পৃথিৱীৰ বিভিন্ন অঞ্চলত বিভিন্ন পৰিৱেশ আছে। সেই অঞ্চল বিলাকত বিভিন্ন ধৰণৰ জীৱ-জন্তু আছে। প্রকৃততে সকলো জীৱ-জন্তু একোটা নিজা পৰিৱেশত বাস কৰে। মৰুভূমিত উট থাকিব পাৰে, কিন্তু গড় জীয়াই থাকিবলৈ কাজিৰঙাৰ দৰে পৰিৱেশৰ প্রয়োজন। পানীত থকা জীৱ-জন্তু পানীত দ্রবীভূত হৈ থকা অক্সিজেনৰ সহায়ত উশাহ-নিশাহ লয়। কিন্তু স্থলত থকা জীৱ-জন্তু বায়ুৰপৰা এই গেছ গ্রহণ কৰে। বিভিন্ন পৰিৱেশত জীয়াই থাকিবলৈ, সেই পৰিৱেশৰ লগত জীৱৰ অভিযোজন ঘটে।